Ladki Bahin Yojana New Rules : मुख्यमंत्री माझी लाडकी बहीण योजनेच्या (Mukhyamantri Mazi Ladki Bahin Yojana) लाभार्थी महिलांसाठी एक अत्यंत दिलासादायक आणि महत्त्वपूर्ण अपडेट समोर आली आहे. योजनेत पारदर्शकता आणण्यासाठी सरकारने सुरू केलेल्या e-KYC प्रक्रियेबद्दल महिलांना अनेक अडचणी येत होत्या. याच पार्श्वभूमीवर, शासनाने मोठा निर्णय घेतला आहे.
Ladki Bahin Yojana New Rules
लाडक्या बहिणींना आता e-KYC साठी अधिक वेळ मिळाला असून, ज्या महिलांना पती/वडिलांचा आधार किंवा OTP मिळत नाही, त्यांच्यासाठी सरकारने विशेष उपाययोजना करण्याचा निर्णय घेतला आहे.
e-KYC मुदत वाढवण्याचा निर्णय का घेण्यात आला?
e-KYC प्रक्रिया सुरू झाल्यानंतर अनेक महिलांना तांत्रिक अडचणींचा सामना करावा लागला. याच कारणांमुळे सरकारने ही मुदत वाढवली आहे:
- नैसर्गिक आपत्त्या: राज्यात गेल्या काही महिन्यांत झालेल्या अतिवृष्टी आणि पूर परिस्थितीमुळे अतिवृष्टीग्रस्त भागातील महिला e-KYC वेळेत पूर्ण करू शकल्या नाहीत.
- तांत्रिक अडचणी: योजनेच्या पोर्टलवर वारंवार आलेले OTP एरर आणि इतर तांत्रिक अडचणींमुळे महिलांना KYC प्रक्रिया पूर्ण करता आली नाही.
मुदतवाढ: या सर्व कारणांमुळे e-KYC करण्याची मुदत १५ दिवसांनी वाढवण्यात आली असून, ही मुदत साधारणपणे डिसेंबर महिन्याच्या पहिल्या आठवड्यापर्यंत किंवा त्यापुढेही वाढवण्यात येणार आहे.
e-KYC मधील अडचणींवर सरकारचा तोडगा
e-KYC करताना विधवा (Widow), घटस्फोटित (Divorced) महिला आणि ज्यांना पती/वडिलांचा आधार कार्ड किंवा OTP मिळत नाही, अशा महिलांना मोठ्या अडचणी येत होत्या.
- विशेष तोडगा: शासनाने या विशिष्ट समस्येची दखल घेतली आहे. OTP बायपास करण्यासाठी आणि अशा विशिष्ट प्रकरणांसाठी आवश्यक असलेले अन्य बदल करण्यासाठी लवकरच विशेष तोडगा (Solution) काढला जाईल, अशी माहिती मिळत आहे.
- सल्ला: ज्या महिलांना वरीलप्रमाणे अडचणी येत आहेत, त्यांनी सध्या e-KYC करण्यासाठी थांबणे योग्य राहील. सरकारचा अधिकृत तोडगा आल्यानंतर त्यांना प्रक्रिया पूर्ण करता येईल.
e-KYC म्हणजे अपात्रता नाही! (संभ्रम दूर)
e-KYC प्रक्रियेबद्दल लाभार्थी महिलांमध्ये असलेला संभ्रम सरकारने दूर केला आहे:
- पारदर्शकता: e-KYC मुळे योजनेत केवळ पारदर्शकता आणली जात आहे. महिला लाभार्थ्याचे आधार कार्ड, पतीचे/वडिलांचे आधार कार्ड आणि कुटुंबात कोणी सरकारी कर्मचारी किंवा पेन्शनधारक आहे का, याची माहिती गोळा केली जात आहे.
- पात्रता निकष: ‘केवायसी केली तरच पैसे मिळतील’ किंवा ‘केवायसी नाही केली तर अपात्र होणार’, असा याचा अर्थ नाही. योजनेच्या मूळ निकषांमध्ये न बसणाऱ्या महिला e-KYC केल्यानंतरही अपात्रच राहतील.
थकीत हप्त्यांचे वाटप सुरू
ज्या पात्र महिलांची पडताळणी पूर्ण झाली आहे आणि ज्यांचे हप्ते (Installments) तांत्रिक किंवा इतर कारणांमुळे बंद झाले होते, त्यांना आता त्यांचे थकीत असलेले हप्ते सुद्धा या योजनेअंतर्गत देण्यात आलेले आहेत.
पुढील कारवाईसाठी संपर्क साधा
e-KYC किंवा योजनेबद्दल अधिक माहिती हवी असल्यास किंवा तक्रार नोंदवायची असल्यास महिलांनी खालील कार्यालयांशी संपर्क साधावा:
- तुमच्या परिसरातील अंगणवाडी सेविका.
- तालुका स्तरावरील महिला व बालविकास कार्यालय.
व्हाट्सअप ग्रुप जॉईन करा👈
