Cotton Rate Today: बंगालच्या उपसागरातून निर्माण झालेल्या कमी दाबाच्या प्रणालीतून आता ‘मोंथा’ नावाचे चक्रीवादळ तयार झाले आहे. थायलंडने सुचवलेल्या या नावाचा अर्थ ‘सुंदर आणि सुवासिक फूल’ असा असला तरी, याचे स्वरूप रौद्र असणार आहे.
Cotton Rate Today
भारतीय हवामान विभागाने (IMD) वर्तवलेल्या अंदाजानुसार, पुढील २४ तासांत या वादळाची तीव्रता मोठ्या प्रमाणावर वाढणार असून, २७ ऑक्टोबरच्या रात्रीपर्यंत हे वादळ ‘सीव्हियर सायक्लॉनिक स्टॉर्म’ (Severe Cyclonic Storm) म्हणजेच अतीतीव्र चक्रीवादळात रुपांतरित होईल.
महाराष्ट्रावर ‘मोंथा’ वादळाचा नेमका परिणाम काय?
हे चक्रीवादळ भारताच्या पूर्व किनाऱ्यावर धडकणार असले तरी, त्याचा थेट परिणाम महाराष्ट्राच्या काही भागांवर जाणवणार आहे.
१. वादळाचा मार्ग आणि धडक
- किनाऱ्यावरील धडक: २८ ऑक्टोबरला हे चक्रीवादळ आंध्र प्रदेशात काकीनाडाजवळ मछलीपट्टणम आणि कलिंगपट्टणमदरम्यान किनाऱ्यावर धडकण्याची शक्यता आहे.
- प्रभावी क्षेत्र: किनाऱ्यावर धडकल्यानतंर हे चक्रीवादळ विदर्भालगत छत्तीसगडच्या दिशेने वर सरकू शकते.
२. विदर्भ आणि गडचिरोलीला मोठा धोका
या वादळामुळे महाराष्ट्रातील विदर्भाच्या पूर्वेकडील भागांत मोठा परिणाम जाणवू शकतो.
- ऑरेंज अलर्ट: महाराष्ट्रातील गडचिरोली जिल्ह्यात २८ ऑक्टोबरसाठी ‘ऑरेंज अलर्ट’ जारी करण्यात आला आहे.
- वाऱ्याचा वेग: मोंथा चक्रीवादळ किनाऱ्यावर धडकताना, गडचिरोली जिल्ह्याच्या आसपासच्या भागांत ताशी ९० ते १०० किलोमीटर वेगाने वारे वाहतील. वाऱ्याच्या झोतांचा वेग ताशी ११० किलोमीटरपर्यंत पोहोचण्याची शक्यता आहे.
- परिणाम: विदर्भाच्या पूर्वेकडील भागांत वादळी वाऱ्यासह मुसळधार पावसाची शक्यता आहे.
सीव्हियर सायक्लॉनिक स्टॉर्म (अतीतीव्र चक्रीवादळ) म्हणजे काय?
- ज्या चक्रीवादळातील वाऱ्यांचा वेग ताशी ८८ ते ११७ किलोमीटरपर्यंत पोहोचतो, त्याला अतीतीव्र चक्रीवादळ म्हटले जाते.
इतर भागांतील हवामान स्थिती
मोंथा चक्रीवादळ हे यंदाच्या मोसमातील आणि वर्षातले दुसरे चक्रीवादळ आहे. याआधी ऑक्टोबरच्या सुरुवातीला अरबी समुद्रात शक्ती चक्रीवादळ तयार झाले होते.
- अरबी समुद्रातील डिप्रेशन: अरबी समुद्रात २२ ऑक्टोबरला तयार झालेले कमी दाबाचे तीव्र क्षेत्र (डिप्रेशन) अजूनही कायम आहे.
- कोकण-घाट प्रदेशात पाऊस: या डिप्रेशनच्या प्रभावामुळे गेल्या २४ तासांत कोकण आणि घाट प्रदेशात अनेक ठिकाणी वादळी वारा, विजा आणि गडगडटासह जोरदार पाऊस झाला आहे.
मासेमारांना इशारा
मोंथा चक्रीवादळातील वाऱ्यांचा वेग पाहता, पुढील ५ दिवस बंगालच्या उपसागरात मासेमारीसाठी जाणाऱ्या बोटींना खबरदारीचा इशारा देण्यात आला आहे. मच्छीमारांनी खोल समुद्रात जाण्याचे पूर्णपणे टाळावे.
शेतकऱ्यांसाठी आवाहन:
विदर्भातील शेतकऱ्यांनी वादळी वाऱ्यांच्या आणि अवकाळी पावसाच्या पार्श्वभूमीवर आपल्या उभ्या आणि कापलेल्या पिकांचे तातडीने संरक्षण करावे आणि हवामान विभागाच्या ताज्या सूचनांकडे लक्ष ठेवावे.
व्हाट्सअप ग्रुप जॉईन करा👈
