Soybean Market Price : खुल्या बाजारात सध्या सोयाबीनचे भाव घसरले असल्याने अनेक शेतकरी आता सरकारी हमीभावाचा फायदा घेण्याच्या तयारीत आहेत. यासाठी नाफेडकडून नोंदणी प्रक्रिया सुरू झाली असून, शेतकरी स्वतः ‘ई-समृद्धी’ (e-Samruddhi) मोबाईल ॲपच्या माध्यमातून अगदी सहजपणे नोंदणी करू शकतात.
Soybean Market Price
सोयाबीनच्या हमीभावासाठी नोंदणी करण्याची संपूर्ण प्रक्रिया खालीलप्रमाणे आहे.
ई-समृद्धी ॲपवर नोंदणी प्रक्रिया
हमीभावासाठी नोंदणी प्रक्रिया खालील तीन टप्प्यांत विभागली आहे:
१. ॲपमध्ये लॉगिन आणि वैयक्तिक माहिती भरणे
- ॲप डाउनलोड: सर्वप्रथम गुगल प्ले स्टोअरवरून ‘ई-समृद्धी’ ॲप डाउनलोड करा आणि उघडा.
- लॉगिन: मोबाईल क्रमांक टाकून ओटीपीच्या मदतीने लॉगिन प्रक्रिया पूर्ण करा.
- आधार पडताळणी: लॉगिन झाल्यावर आधारकार्डवरील पूर्ण नाव आणि आधार क्रमांक प्रविष्ट करा.
- फेस ऑथेंटिकेशन: यानंतर फेस ऑथेंटिकेशन केल्यावर तुमची वैयक्तिक माहिती सिस्टममध्ये आपोआप भरली जाईल.
- तपशील नोंद: पुढील स्क्रीनवर तुम्हाला शेतकऱ्याचे पूर्ण नाव, गाव, तालुका, जिल्हा, जमिनीचा प्रकार (अल्पभूधारक असल्यास उल्लेख), प्रवर्ग आणि वडिलांचे नाव अशी आवश्यक माहिती भरावी लागेल.
- ओळखपत्र अपलोड: ओळख पडताळणीसाठी आधार कार्डचा JPEG फोटो अपलोड करावा लागतो (आकार १० MB पेक्षा कमी असावा).
- प्राथमिक नोंदणी: ही सर्व माहिती सबमिट केल्यानंतर तुमची प्राथमिक रजिस्ट्रेशन पूर्ण झाल्याचा पॉपअप तसेच एसएमएस तुमच्या मोबाईलवर येईल.
२. बँक तपशील अचूक नोंदवा
- प्राथमिक रजिस्ट्रेशन पूर्ण झाल्यावर ‘बँक डिटेल’ या ऑप्शनवर क्लिक करा.
- माहिती भरा: यात खातेदाराचे नाव, बँकेचा IFSC कोड यांसह सर्व माहिती अचूक भरा.
- पासबुक अपलोड: त्यासोबत पासबुकचा JPEG फोटो देखील अपलोड करावा लागतो (आकार १० MB पेक्षा अधिक नसावा).
- बँक तपशील योग्यरीतीने भरून झाल्यानंतर पुढील टप्प्याकडे जा.
३. सोयाबीन योजनेची निवड आणि सातबारा अपलोड
- हा अंतिम आणि अत्यंत महत्त्वाचा टप्पा आहे.
- योजना निवडा: तुम्ही सोयाबीनसाठी नोंदणी करत असल्याने सोयाबीनविषयक योजना निवडा.
- जमिनीची माहिती: आता यात सर्वप्रथम जिल्हा, तालुका, गाव, सर्वे नंबर आणि खात्याचा क्रमांक अशी माहिती भरावी लागते.
- सातबारा अपलोड: यानंतर महत्त्वाचे दस्तावेज — म्हणजे सातबारा उतारा स्कॅन करून अपलोड करावा लागतो.
- यशस्वी नोंदणी: सातबारा सबमिट होताच तुमचे नाफेडमधील रजिस्ट्रेशन यशस्वी झाल्याचा संदेश स्क्रीनवर दिसेल.
अशा प्रकारे काही सोप्या स्टेप्स पूर्ण करून शेतकरी सहजपणे नाफेडकडे सोयाबीनची नोंदणी करून सरकारी हमीभावाचा लाभ घेऊ शकतात.
व्हाट्सअप ग्रुप जॉईन करा👈
