Mofat Bhandi Kit Yojana : महाराष्ट्र इमारत व इतर बांधकाम कामगार कल्याणकारी मंडळाकडे (MAHABOCW) नोंदणीकृत असलेल्या कामगारांसाठी एक अत्यंत महत्त्वाची आणि आनंदाची बातमी आहे. बांधकाम कामगार विभागात नोंदणी असलेल्या १० लाख सक्रिय कामगारांसाठी ‘मोफत गृहपयोगी भांडी किट योजना’ (Free Home Utility Kit) पुन्हा सुरू करण्यात आली आहे.
या योजनेंतर्गत पात्र कामगारांना एकूण ३० गृहपयोगी वस्तूंचा संपूर्ण संच मोफत दिला जातो. तुमच्याकडे जर बांधकाम कामगार कार्ड असेल, तर तुम्ही या योजनेसाठी अर्ज कसा करू शकता आणि कोणती भांडी मिळतील, याची सविस्तर माहिती खालीलप्रमाणे आहे.
बांधकाम कामगार भांडी किट योजना: मुख्य उद्देश
बांधकाम कामगारांना कामाच्या स्वरूपामुळे वारंवार स्थलांतर करावे लागते. यामुळे त्यांना राहण्याची, जेवणाची आणि स्वयंपाकाची व्यवस्था नव्याने करावी लागते. हे लक्षात घेऊन, कामगारांचे जीवनमान सुधारण्यासाठी आणि त्यांना भोजन तयार करण्यास मदत व्हावी म्हणून महाराष्ट्र शासनाने हा महत्त्वाचा निर्णय घेतला आहे.
- उद्देश: नोंदणीकृत बांधकाम कामगारांना गृहपयोगी भांड्यांचे मोफत वाटप करणे.
- लाभ: कामगारांच्या पैशांची बचत होते आणि त्यांना चांगल्या दर्जाची भांडी मोफत मिळतात.
- लाभार्थी: MAHABOCW मध्ये नोंदणी असलेले सक्रिय बांधकाम कामगार.
गृहपयोगी वस्तू संचामध्ये काय-काय मिळणार?
या योजनेत कामगारांना एकूण ३० वस्तूंचा (नग) स्टेनलेस स्टील भांडी संच मोफत दिला जातो. या संचातील वस्तूंची यादी खालीलप्रमाणे आहे:
| वस्तूचे नाव | नगसंख्या |
| ताट | ०४ |
| वाट्या | ०८ |
| पाण्याचे ग्लास | ०४ |
| पातेले (झाकण्यासह) | ०१ |
| कढई (स्टील) | ०१ |
| प्रेशर कुकर (पाच लिटर, Stainless Steel) | ०१ |
| परात | ०१ |
| डब्बा झाकण्यासह (१४ इंच) | ०१ |
| डब्बा झाकण्यासह (१६ इंच) | ०१ |
| डब्बा झाकण्यासह (१८ इंच) | ०१ |
| मसाला डब्बा (सात भाग) | ०१ |
| पाण्याचा जग (दोन लिटर) | ०१ |
| मोठा चमचा (भात वाटपा करिता) | ०१ |
| मोठा चमचा (वरण वाटपा करिता) | ०१ |
| पातेले झाकणासह | ०२ |
| एकूण भांडी | ३० नग |
योजनेसाठी आवश्यक पात्रता (Eligibility Criteria)
या मोफत भांडी किट योजनेचा लाभ घेण्यासाठी खालील पात्रता निकष पूर्ण करणे बंधनकारक आहे:
- नोंदणीकृत कामगार: अर्जदार कामगार MAHABOCW मध्ये नोंदणीकृत (Registered) असावा आणि त्याची नोंदणी सक्रिय (Active) असावी.
- महाराष्ट्राचा रहिवासी: अर्जदार कामगारांचे महाराष्ट्रात किमान १५ वर्षांचे वास्तव्य असणे आवश्यक.
- कामाचा पुरावा: अर्जदाराने मागील १२ महिन्यांमध्ये (Registration Renewal च्या वेळी) किमान ९० दिवसांपेक्षा जास्त दिवस बांधकाम कामगार म्हणून काम केलेले असणे आवश्यक आहे.
अर्ज प्रक्रिया (Application Process) आणि महत्त्वाच्या सूचना
या योजनेचा अर्ज ऑनलाइन पद्धतीने करायचा असून, त्यासाठी तुम्हाला कल्याणकारी मंडळाच्या पोर्टलवर जावे लागते.
- अधिकृत वेबसाईट: अर्ज करण्यासाठी महाराष्ट्र इमारत व इतर बांधकाम कामगार कल्याणकारी मंडळाच्या https://mahabocw.in/ या अधिकृत संकेतस्थळाला भेट द्या.
- नोंदणी/लॉगिन: ज्या कामगारांची नोंदणी नाही, त्यांनी प्रथम नोंदणी करावी. नोंदणी असलेल्यांनी पोर्टलवर लॉगिन करावे.
- अर्ज सादर: गृहपयोगी वस्तू संच योजनेसाठीचा अर्ज (निवेदन) भरावा. यामध्ये कुटुंबातील सदस्यांची माहिती, नोंदणी क्रमांक आणि हमीपत्र यांचा समावेश असतो.
- पोचपावती (Acceptance/Receipt): अर्ज मंजूर झाल्यावर तुम्हाला जिल्हा कार्यालयाच्या वतीने वस्तू संच वितरणासाठी आयोजित केलेल्या शिबिराच्या ठिकाणी बोलवले जाईल.
- वस्तू तपासणी: भांडी किट स्वीकारताना, त्यातील सर्व ३० वस्तू तपासाव्यात आणि वस्तू चांगल्या दर्जाच्या (उदा. एम्बॉसिंग, लेझर इंग्रविंग तपासावे) असल्याची खात्री करावी.
- पोचपावती सादर: संच प्राप्त झाल्यानंतर, तुम्हाला सरकारी कामगार अधिकारी (उपजिल्हा कार्यकारी अधिकारी) यांना पोचपावती सादर करावी लागते.
FAQ: बांधकाम कामगार भांडी किट योजना
१) ही योजना नक्की कोणत्या कामगारांसाठी आहे?
उत्तर: ही योजना फक्त महाराष्ट्र इमारत व इतर बांधकाम कामगार कल्याणकारी मंडळाकडे (MAHABOCW) नोंदणीकृत असलेल्या आणि ज्यांची नोंदणी सक्रिय आहे, अशा बांधकाम कामगारांसाठी आहे.
२) या योजनेत मिळणाऱ्या संचात किती वस्तू असतात?
उत्तर: या गृहपयोगी वस्तू संचामध्ये एकूण ३० नग भांडी (उदा. कुकर, ताट, वाट्या, कढई, पातेली, इ.) मोफत दिली जातात.
३) अर्ज करण्याची प्रक्रिया ऑनलाईन आहे की ऑफलाईन?
उत्तर: या योजनेसाठी अर्ज (निवेदन) ऑनलाईन पद्धतीने अधिकृत संकेतस्थळावर सादर करायचा असतो.
४) भांडी किट कधी आणि कुठे मिळते?
उत्तर: अर्ज मंजूर झाल्यानंतर जिल्हा/तालुका कार्यालयाच्या वतीने वस्तू संच वितरणासाठी आयोजित केलेल्या शिबिरात (Camp) कामगारांना भांडी किट वितरित केले जाते.
५) मागील १२ महिन्यांत ९० दिवसांच्या कामाचा पुरावा कशासाठी लागतो?
उत्तर: ९० दिवसांच्या कामाचा पुरावा बांधकाम कामगार म्हणून तुमची नोंदणी सक्रिय (Active Registration) ठेवण्यासाठी आणि योजनांचा लाभ घेण्यासाठी आवश्यक असतो.
व्हाट्सअप ग्रुप जॉईन करा👈
